కన్నడ సినీ హీరో రాకింగ్ స్టార్ యశ్‌ను హత్య చేయాలని బెంగళూరు రౌడీ సైకిల్‌ రవి కుట్ర రచించినట్లు సీసీబీ పోలీసుల విచారణలో తెలిసింది. బెంగళూరుకు సమీపంలో జరిగిన ఒక మందు పార్టీలో హత్య విషయమై త్యాగరాజనగర కోదండరామతో చర్చించినట్లు రవి చెప్పాడు. ప్లాన్‌ వేసిన మాట నిజమేగాని హత్య చేసే వరకు వెళ్లలేదని అతడు తెలిపాడు. దీంతో ఇప్పుడు రౌడీ కోదండరామ కోసం పోలీసులు గాలిస్తున్నారు. 

తనను హత్య చేయటానికి కుట్రపై హీరో యశ్‌ స్పందిస్తూ.. ఇది చాలా చిన్న విషయం. రెండేళ్ల క్రితం దీనిని పోలీసు కమిషనర్‌కు దృష్టికి తీసుకెళ్లినట్లు తెలిపాడు. నిర్మాత జయణ్ణ కారుపై కొందరు రాళ్లు విసిరిన ఘటనపై పోలీసు కమిషనర్‌ను కలిసినట్లు తెలిపాడు.