మస్కట్‌: మస్కట్‌లో ఓ రెస్టారెంట్‌ అగ్ని ప్రమాదానికి గురయ్యింది. పబ్లిక్‌ అథారిటీ ఆఫ్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) ఈ విషయాన్ని ధృవీకరించింది. అధికారులు వెల్లడించిన వివరాల ప్రకారం, రువిలో ఈ ఘటన చోటు చేసుకుంది. ముట్రా విలాయత్‌లో రువీలో జరిగిన ఈ అగ్ని ప్రమాదానికి సంబంధించిన కారణాలు ఇంకా తెలియరాలేదు. సివిల్‌ డిఫెన్స్‌ అండ్‌ అంబులెన్స్‌ టీమ్‌ (మస్కట్‌ గవర్నరేట్‌), అత్యంత చాకచక్యంగా మంటల్ని అదుపులోకి తీసుకురావడం జరిగింది. ఈ అగ్ని ప్రమాదంలో ఎవరికీ ఎలాంటి గాయాలూ కాలేదని అధికారులు తెలిపారు.