దుబాయ్:దుబాయ్ మెట్రో స్టేషన్‌లో ఓ వ్యక్తి తన భార్య అబయా, నికాబ్‌ మరియు గ్లౌస్‌ ధరించి పోలీసులకు పట్టుబడ్డాడు. విచారణలో నిందితుడు, తన భార్యను ఫాలో అయ్యేందుకే అలా చేసినట్లు చెప్పాడు. ఫాహిది మెట్రో స్టేషన్‌లో బాయ్‌ఫ్రెండ్‌ని కలిసేందుకు తన భార్య వెళుతున్న విషయాన్ని తెలుసుకుని, ఆమెను రెడ్‌ హ్యాండెడ్‌గా పట్టుకోవాలనుకున్నట్లు నిందితుడ్ని విచారించిన పోలీసులు చెప్పారు. నిందితుడు ఆసియాకి చెందిన వ్యక్తి. సేల్స్‌ మేనేజర్‌గా అతను పనిచేస్తున్నాడనీ, డ్యూటీ అవర్స్‌ ముగిశాక తన భార్యకు సంబంధించిన బుర్కా తీసుకుని మెట్రో స్టేషన్‌కి వెళ్ళగా అనుమానంతో అతన్ని సెక్యూరిటీ సిబ్బంది పట్టుకున్నట్లు పోలీసులు వివరించారు.