యూ.ఏ.ఈ:కాంక్రీట్‌ మిక్సర్‌ ట్రక్‌ ఓ రోడ్డు ప్రమాదంలో బోల్తా పడగా, డ్రైవర్‌ సురక్షితంగా బయటపడిన ఘటన అజ్మన్‌లో చోటు చేసుకుంది. ప్రమాద సమాచారం అందుకోగానే అజ్మన్‌ సివిల్‌ డిఫెన్స్‌ డిపార్ట్‌మెంట్‌కి సంబంధించిన అంబులెన్స్‌ టీమ్స్‌, సివిల్‌ డిఫెన్స్‌ వాహనాలు సంఘటనా స్థలానికి చేరుకున్నాయి. మెటల్‌ కటింగ్‌ ఎక్విప్‌మెంట్‌, క్రేన్స్‌ వినియోగించి ప్రమాదంలో ఇరుక్కున్న ట్రక్‌ నుంచి డ్రైవర్‌ని వెలుపలకి తీసుకొచ్చారు. స్వల్ప గాయాలతో డ్రైవర్‌ బయటపడ్డాడు. అతన్ని వెంటనే ఆసుపత్రికి తరలించారు. అజ్మన్‌ సివిల్‌ డిఫెన్స్‌ అధికారి మేజర్‌ మర్వాన్‌ యూసుఫ్‌ అల్‌ షామ్షి మాట్లాడుతూ, వాహనదారులు తగిన వేగంతో వాహనాల్ని నడపాలనీ, ప్రమాదాల పట్ల అప్రమత్తంగా వ్యవహరించాలనీ, అతి వేగంతో వాహనాలు నడపకూడదని సూచించారు.