న్యూఢిల్లీ: ఇటలీలోని మిలాన్‌ నుండి న్యూఢిల్లీకి బయలు దేరిన ఎయిర్‌ ఇండియా విమానం టేకాఫ్‌ తీసుకున్న కొద్ది సమయానికి కాక్‌పిట్‌లోకి ఓ ప్రయాణీకుడు బలవంతంగా ప్రవేశించడంతో తిరిగి ఇటలీ విమానశ్రయానికి చేరింది. ఈ ఘటన గురువారం జరిగినప్పటికీ అధికారులు ఆలస్యంగా వెల్లడించారు. అనంతరం ఆ ప్రయాణీకుడిని స్థానకి పోలీసులు అదుపులోకి తీసుకొని విచారిస్తున్నారని ఎయిర్‌ ఇండియా ప్రతినిథి తెలిపారు. అతడిని భారత సంతతికి చెందిన గురుప్రీత్‌ సింగ్‌గా గుర్తించారు. దీంతో ఈ విమానం 2.35 గంటలు ఆలస్యమైందని, ఇందులో మొత్తం 245 మంది ప్రయాణీకులు ఉన్నారని తెలిపారు.