నిన్న మొన్నటి వరకూ హీరోయిన్స్‌గా ఇండస్ట్రీని ఏలిన భామలంతా సెకండ్ ఇన్నింగ్స్ మొదలు పెట్టేస్తున్న విషయం తెలిసిందే. ఒకప్పటి ప్రముఖ హీరోయిన్ కూడా ఈ మధ్య సెకండ్ ఇన్నింగ్స్ మొదలు పెట్టింది. సూర్య వర్సెస్ సూర్య, నాన్నకు ప్రేమతో వంటి చిత్రాల్లో కీలక పాత్ర పోషించిన మధుబాల ప్రస్తుతం విలన్ అవతారమెత్తింది. తమిళ నటుడు బాబీ సింహ ప్రధాన పాత్రలో తెరకెక్కుతున్న 'అగ్ని దేవ' అనే సినిమాలో మధుబాల నటిస్తున్నారు.
జై ఫిల్మ్ ప్రొడక్షన్స్ నిర్మిస్తున్న ఈ చిత్రాన్ని జాన్ పాల్ రాజ్, శామ్ సూర్య డైరెక్ట్ చేస్తున్నారు. ఇప్పటి వరకూ సాఫ్ట్ క్యారెక్టర్స్‌తో మెప్పించిన మధుబాల ఈ సినిమాలో నెగిటివ్ రోల్‌లో కనిపించనున్నారట. మొదటిసారి విలన్‌గా నటించినప్పటికీ మధుబాల అద్భుతంగా నటించారట. ఆమె పలికించిన హావభావాలు, చెప్పిన డైలాగ్స్ చాలా కొత్తగా ఉంటాయట. దీంతో మధుబాలకు ఈ సినిమా ద్వారా మంచి ఆఫర్స్ వస్తాయని చిత్రబృందం చెబుతోంది.