యూ.ఏ.ఈ:ఆరు నెలల టెంపరరీ రెసిడెన్సీ వీసా పొందిన ఇల్లీగల్‌ రెసిడెంట్స్‌, వర్క్‌ చేయడానికి అనర్హులు. వీసా గడువు తీరాక రెన్యువల్‌కి అవకాశం లేదని అథారిటీస్‌ స్పష్టం చేశాయి. డైరెక్టర్‌ ఆఫ్‌ రెసిడెన్స్‌ ఎఫైర్స్‌ - ఫెడరల్‌ అథారిటీ ఫర్‌ ఐడెంటిటీ అండ్‌ సిటిజన్‌ షిప్‌ బ్రిగేడియర్‌ సయీద్‌ రకాన్‌ అల్‌ రషీద్‌ మాట్లాడుతూ, స్పాన్సరర్‌ వున్నప్పుడు మాత్రమే, ఆరు నెలల టెంపరరీ వీసాని 'ప్రొటెక్ట్‌ యువర్‌సెల్ఫ్‌ బై మాడిఫైయింగ్‌ యువర్‌ స్టేటస్‌' ఆమ్నెస్టీ ఇనీషియేటివ్‌ని పొందడానికి వీలుంటుందని స్పష్టం చేశారు. గడువు లోఉన్నవారు ఉద్యోగాన్ని వెతుక్కోలేకపోతే, వారు ఖచ్చితంగా దేశం విడిచి వెళ్ళాలనీ, ఆ తర్వాత తిరిగి విజిట్‌ వీసాపై రావొచ్చునని పేర్కొన్నారు. ఉద్యోగాన్వేషణకు టెంపరరీ వీసా ఎట్టి పరిస్థితుల్లోనూ ఉపకరించదని అధికారులు క్లారిటీ ఇచ్చారు.