కేరళలో కురుస్తున్న భారీవర్షాలతో పంబ నది ఉప్పొంగుతోంది. వరద ఉధృతికి శబరిమల క్షేత్రానికి చెందిన ఉప ఆలయాలన్నీ నీట మునిగాయి. వర్షాలు తగ్గి సాధరణ స్థితికి వస్తే తప్ప స్నానాల ఘాట్లు, షెడ్లు నీళ్లలోంచి పైకి తేలే పరిస్థితి లేదు. ఇప్పటికే వరద కారణంగా కొండపైకి వెళ్లే దారులు మూసుకుపోయాయి. పైన అయ్యప్ప సన్నిధిలోనూ వారం రోజులుగా ఎడతెరిపి లేకుండా భారీ వర్షం కురుస్తూనే ఉంది. పంబలో ఈ రకంగా వరద పోటెత్తడం కొన్ని దశాబ్దాల తర్వాత ఇదే కావడం విశేషం.