నిన్నటి తరం శృంగార తార, దివంగత నటి సిల్క్‌స్మిత నటించిన చిత్రాలకు భారీ క్రేజ్‌ ఉండేది. ఆమె జీవిత చరిత్రతో వచ్చిన 'ది దర్టీ పిక్చర్‌' సంచలన విజయాన్ని సాధించింది. మరోసారి ఆమె జీవిత చరిత్ర వెబ్‌ సీరీస్‌గా ప్రేక్షకుల ముందుకు రానుంది. దర్శకుడు పా.రంజిత్‌ సిల్క్‌ జీవిత చరిత్రను వెబ్‌ సిరీస్‌గా నిర్మించనున్నారు. ఇందులో సిల్క్‌స్మిత ఆరంభ కాలం నుంచి అంతం వరకూ తెరకెక్కించనున్నారు. దీనికి సంబధించిన పూర్తి ప్రకటన త్వరలోనే వెలువడే అవకాశం ఉంది.