బెంగుళూరు:చందనసీమలో అత్యంత ప్రతిష్టాత్మకంగా రూపొందుతున్న ది విలన్‌ సినిమా ఆడియో ఆదివారం ప్రేక్షకుల ముందుకు రానుంది. నగర శివార్లలోని నాగవారలో ఉన్న మాన్యతా టెక్‌పార్క్‌ ప్రాంగణంలోని వైట్‌ ఆర్కిడ్‌ కన్వెన్షన్‌ సెంటర్‌లో ఏర్పాటు చేయనున్న కార్యక్రమంలో ఆడియోను 19న బెంగుళూరు లో ఆవిష్కరిస్తారు మరియు 24న దుబాయ్ లో ఆడియో ఫంక్షన్ నిర్వహిస్తారు.సెంచరీ స్టార్‌ శివరాజ్‌కుమార్‌, సుదీప్‌, యామి జాక్సన్‌ ప్రధాన తారాగణంలో ఉన్నారు. ప్రేమ్‌ దర్శకత్వంలో రూపొందిన ఈ సినిమా టీజర్‌కు తొలిసారిగా ప్రవేశ రుసుము నిర్ధరించి, వసూలైన మొత్తాన్ని దర్శకుల సంక్షేమానికి వినియోగించిన విషయం తెలిసిందే.