ఏపీ రాజధాని అమరావతి నిర్మాణానికి నిధుల కోసం బాంబే స్టాక్‌ ఎక్స్ఛేంజ్‌ (బీఎస్‌ఈ)లో అమరావతి బాండ్ల లిస్టింగ్‌ ప్రారంభమైంది. ముఖ్యమంత్రి చంద్రబాబు, బీఎస్‌ఈ సీఈవో, ఎండీ ఆశిష్‌ కుమార్‌తో కలిసి గంట కొట్టి ఇవాళ ఉదయం 9.15 గంటలకు ఈ ప్రక్రియను ప్రారంభించారు. బీఎస్‌ఈలోని ఇంటర్నేషనల్‌ కన్వెన్షన్‌ హాలులో నిర్వహించిన ఈ కార్యక్రమంలో ఏపీ మంత్రులు యనమల రామకృష్ణుడు, నారాయణ, సీఆర్డీఏ కార్యదర్శి అజయ్‌జైన్‌, కమిషనర్‌ శ్రీధర్‌, ఇతర అధికారులు పాల్గాన్నారు.