గతంలో ఇరాన్‌పై ఎత్తివేసిన ఆంక్షలను అమెరికా మళ్లీ విధించింది. అంతేగాక.. ఇరాన్‌తో చేసుకున్న అంతర్జాతీయ అణు ఒప్పందం నుంచి కూడా అమెరికా బయటకొచ్చింది. ఈ నేపథ్యంలో అమెరికా, ఇరాన్‌ల మధ్య విభేధాలు తారాస్థాయికి చేరాయి.. అయితే తాజాగా అమెరికా.. ఇరాన్‌ను చర్చలకు ఆహ్వానిస్తోందట. ఇందుకోసం రోజూ సందేశాలు పంపుతోందట. ఓవైపు ఇరాన్‌పై ఒత్తిడి తీసుకురావాలని చూస్తూనే.. మరోవైపు 'మనం కలిసి చర్చలు జరుపుదాం' అంటూ రోజు వారు మాకు ఎన్నో రకాలుగా మెసేజ్‌లు పంపుతున్నారని ఇరాన్‌ అధ్యక్షుడు హసన్‌ రౌహనీ వెల్లడించారు. తాము వెనక్కి తగ్గేది లేదని స్పష్టం చేశారు.