బాలీవుడ్ టాప్ హీరోయిన్ దీపికా పదుకొణె ఇప్పుడు మంచి స్టార్ స్టేటస్ ఎంజాయ్ చేస్తున్నా.. ఒకప్పుడు కెరీర్ గాడి తప్పి పూర్తిగా డిప్రెషన్‌లోకి వెళ్లిపోయిన సంగతి తెలిసిందే. తాజాగా ఫిక్కీ లేడీస్ ఆర్గనైజేషన్ నిర్వహించిన ఫైండింగ్ బ్యూటీ ఇన్ ఇమ్‌పర్ఫెక్షన్ అనే ఈవెంట్‌లో పాల్గొన్న దీపికా ఆ చేదు జ్ఞాపకాలను మరోసారి గుర్తు చేసుకుంది. అంతేకాదు మరోసారి డిప్రెషన్‌లోకి వెళ్లిపోతానేమో అన్న భయం కూడా తనకు ఉన్నట్లు ఆమె చెప్పింది. అందుకే ఎప్పటికప్పుడు తన ఆలోచనలను, భావోద్వేగాలను అదుపు చేసుకుంటూనే ఉంటానని చెప్పింది.