నేచురల్ స్టార్ నాని ప్రస్తుతం కింగ్ నాగార్జున తో కలిసి దేవదాస్ చిత్రం తో రాబోతున్న సంగతి తెలిసిందే. శ్రీ రామ్ ఆదిత్య డైరెక్షన్లో వైజయంతి మూవీస్ బ్యానర్ ఫై తెరకెక్కిన ఈ మూవీ ప్రస్తుతం షూటింగ్ అంత పూర్తి చేసుకొని పోస్ట్ ప్రొడక్షన్ పనుల్లో బిజీ గా ఉంది. ఇక సినిమా విడుదల దగ్గర పడుతుండడం తో చిత్ర ప్రమోషన్లను స్పీడ్ చేసారు. తాజాగా వినాయకచవితి సందర్బంగా విడుదలైన టీజర్ కు మంచి రెస్పాన్స్ వస్తుంది.

ఇప్పుడు మూవీలోని వినాయక చవితి స్పెషల్ సాంగ్ డ్యాన్స్‌తో చాలెంజ్ విసిరింది చిత్ర యూనిట్. మేం రెడీ.. మీరు రెడీనా అంటూ వీడియో సాంగ్ ప్రొమోను నాని ట్వీట్ చేసాడు. 'వినాయక చవితి వేడుకల్లో భాగంగా మీరు డ్యాన్స్ చేసి వీడియోలను షేర్ చేయండి. ఆ వీడియోను డ్యాన్స్‌విత్‌దేవదాస్ (DanceWithDevadas)కు ట్యాగ్ చేసిన వాళ్లలో కొందరికి దేవదాస్ మూవీ యూనిట్ నుంచి బహుమతులు వస్తాయని' వైజయంతీ మూవీస్ ట్విటర్‌లో పోస్ట్ చేసారు. ఇంకెందుకు ఆలస్యం మీరు కూడా ఓ మంచి డాన్స్ వీడియో ను సెండ్ చేసి బహుమతులు గెలుచుకోండి.