సింగపూర్‌: తెలుగు సమాజం ఆధ్వర్యంలో సింగపూర్‌లో నివసించే తెలుగు వనితల కోసం నారి-2018 అనే శీర్షికతో లేడీస్‌ నైట్‌ కార్యక్రమాన్ని నిర్వహించారు. ఈ కార్యక్రమానికి సుమారు 550 మంది వనితలు హాజరయ్యారు. ఈ కార్యక్రమంలో వంద మంది వనితలు వివిధ సాంప్రదాయాల్లో చీరలను ధరించి సింగపూర్‌ బుక్‌ ఆఫ్‌ రికార్డులో స్ధానం సంపాదించడం విశేషం. ఈ కార్యక్రమానికి ముఖ్య అతిథిగా విచ్చేసిన ఎమ్మెల్యే రోజా మాట్లాడుతూ..మహిళల కోసం ప్రత్యేకంగా కార్యక్రమాన్ని రూపొందించడం, మహిళల నుంచి విశేష స్పందన రావడం చాలా సంతోషంగా ఉందని అన్నారు. ప్రముఖ అడ్వకేట్‌ వెంకటేశ్వరితో కలిసి సింగపూర్‌ తెలుగు సమాజం సంయుక్త ఆధ్వర్యంలో లైఫ్‌ అండ్‌ లా పోస్టర్‌ను ఆవిష్కరించారు.