బాలీవుడ్ మిస్టర్ పర్‌ఫెక్ట్ అమీర్ ఖాన్‌, మెగాస్టార్ అమితాబ్ బచ్చన్ ప్రధాన పాత్రలలో తెరకెక్కుతున్న చిత్రం థగ్స్ ఆఫ్ హిందుస్థాన్. తాజాగా ఇందులో నటిస్తున్న దంగల్ భామ ఫాతిమా సనా షేక్‌కు సంబంధించిన లుక్‌ను ట్విట్టర్ ద్వారా రిలీజ్ చేశాడు అమీర్‌. ఇందులో రౌద్ర రూపంలో.. వీరనారిలా బాణం సంధిస్తూ ... యుద్ధానికి సిద్ధం అనేలా ఉంది ఫాతిమా. ఈ సినిమాలో జాఫీరా పాత్రలో ఆమె కనిపించనుంది. రూ.300 కోట్ల వ్యయంతో నిర్మిస్తున్న ఈ సినిమాను ఆదిత్య చోప్రా, అమీర్ ఖాన్ నిర్మిస్తున్నారు. నవంబర్‌ 8న సినిమాను విడుదల చేసేందుకు సన్నాహాలు చేస్తున్నారు.