రెండు తెలుగు రాష్ట్రాలలో సరిగా వ్యవస్థాపన జరగని జనసేన, వచ్చే ఎన్నికలలో ఇంకా పోటీ చేస్తుందో లేదో కూడా తెలియని పరిస్థితి. తెలంగాణాలో కేసీఆర్ కు సహకరిస్తూ పోటీకి దూరంగా ఉండే ఆలోచనలు చేస్తుండగా, ఏపీలో మాత్రం చంద్రబాబుకు వ్యతిరేకంగా పోరాటం చేస్తూ ఎన్నికలలో పోటీ చేయాలని నిర్ణయించుకున్న విషయం తెలిసిందే.

అయితే ఇప్పటివరకు పార్టీకి కామన్ సింబల్ రాకపోవడంతో, రెండు తెలుగు రాష్ట్రాలలో జనసేన పరిస్థితి ఎలా ఉంటుందన్నది ప్రశ్నార్ధకం అయినా, దుబాయ్ లో మాత్రం జనసేన జెండా రెపరెపలాడుతూ దర్శనమిచ్చింది. ప్రస్తుతం దుబాయ్ వేదికగా జరుగుతున్న ఏషియన్ కప్ లో భాగంగా మంగళవారం నాడు ఇండియా - హాంగ్ కాంగ్ జట్ల మధ్య జరిగిన మ్యాచ్ లో ఓ అభిమాని జనసేన జెండా పట్టుకుని హల్చల్ చేయడం విశేషం. సచిన్ టెండూల్కర్ వీరాభిమాని అయిన సుధీర్ కు వెనుకగనే జనసేన అభిమాని కూర్చోవడంతో, టీవీలలో పదే పదే పవన్ కళ్యాణ్ 'జనసేన' జెండా కనిపించింది. దీంతో స్క్రీన్ షాట్లను తీసి పవన్ కళ్యాణ్ వీరాభిమానులు సోషల్ మీడియాలో వాటిని షేర్ చేసుకుంటున్నారు. దు