తాలిబన్ల ఉగ్రవాద సంస్థ పితామహుడుగా పేరొందిన మౌలానా సామియుల్ హక్ (82) దారుణ హత్యకు గురయ్యాడు. పాకిస్థాన్‌లోని రావల్పిండిలోని ఆయన నివాసంలో శుక్రవారం ఓ దుండుగుడు అతడిని గొంతు కోసి చంపేశాడు. ఆ సమయంలో మౌలానా అంగరక్షకుడు ఇంట్లో లేడు. మౌలానా కుమారుడు హమిదుల్ హక్ హత్య గురించి మీడియాకు తెలిపాడు. ఇస్లామి జమ్హూరీ ఇత్లెహాద్ పార్టీ తరపున మౌలానా సామియుల్ హక్ పాకిస్థాన్ పార్లమెంటుకు రెండుసార్లు ఎంపీగా ఎన్నికయ్యాడు. మత బోధకుడిగా పనిచేసిన హక్ దాదాపు 40 సంస్థలకు అధ్యక్షుడిగా ఉన్నాడు.