న్యూయార్క్‌ : న్యూయార్క్‌లోని టైమర్‌ వార్నర్‌ సెంటర్‌ బిల్డింగ్‌లో ఐదు బాంబులను అమర్చినట్లు ఓ ఫోన్‌కాల్‌ రావడంతో అక్కడ సమీపంలోని కేబుల్‌ న్యూస్‌ నెట్‌వర్క్‌(సిఎన్‌ఎన్‌) ప్రసార కార్యాలయాల భవనాన్ని పోలీసులు గురువారం రాత్రి ఖాళీ చేయించారు. దీంతో ప్రసారాలకు తీవ్ర అంతరాయం కలిగిందని పోలీసులు తెలిపారు. ఈ బాంబు కలకలంతో సమీపంలోని భవనాలను ఖాళీ చేయించామని, గాలింపు చర్యలు చేపట్టినట్లు న్యూయార్క్‌ పోలీస్‌ డిటెక్టివ్‌ తెలిపారు. బాంబ్‌ స్క్వాడ్‌ సంఘటన స్థలానికి చేరుకొని వాహనాలను, పాదచారులరు సైతం తనిఖీ చేస్తున్నారు. దీంతో ట్రాఫిక్‌ నిలిచిపోయింది. గురువారం రాత్రి 10 గంటల సమయంలో కాల్‌ వచ్చిందని, దీంతో న్యూస్‌ చానల్‌ ప్రసారాలను నిలిపివేసి, భవనం నుండి ఉద్యోగులను సురక్షితంగా వెలుపలకు పంపించామని తెలిపారు.