అమెరికాకు అధ్యక్షుడు డొనాల్డ్ ట్రంప్ కు స్థానిక కోర్టులో చుక్కెదురైంది. అమెరికాకు అక్రమ వలసలను నిరోధించే లక్ష్యంతో తీసుకొచ్చిన ఉత్తర్వులపై దిగువకోర్టుఇచ్చిన స్టేను ఎత్తివేసేందుకు 9వ యూఎస్ సర్య్కూట్ కోర్ట్ ఆఫ్ అప్పీల్స్ నిరాకరించింది. వలసదారుల్ని నిరోధించే ఆదేశాలు అమెరికా చట్టాలకు అనుగుణంగా లేవని, అవి కాంగ్రెస్ ను విస్మరించే విధంగా ఉన్నాయని న్యాయస్థానం అభిప్రాయపడింది.

చట్టాలను అధ్యక్ష భవనం, కోర్టు గదులనుంచి చేయలేమంటూ ఘాటుగా స్పందించింది. ఒక వ్యక్తి అమెరికాలోకి ఏవిధంగా ప్రవేశించాడన్న దాని ఆధారంగా అతనిపై నిషేధం విధించడం సరికాదని వ్యాఖ్యానించింది. అమెరికా -మెక్సికో సరిహద్దునుంచి వేలాదిమంది అమెరికా ఆశ్రయం కోరుతూ దేశంలోకి వచ్చేందుకు ప్రయత్నించడంతో…. ట్రంప్ వారిని దేశంలోకి రాకుండా నిషేధించారు.