అబుదాబీలో ఓ మహిళ తన భర్త కారుని నడుపుతూ ప్రమాదానికి గురయ్యింది. కుమారుడికి తీవ్ర అనారోగ్యం సంభవించడంతో ఏం చేయాలో తెలియని పరిస్థితుల్లో ఆ మహిళ తనకు లైసెన్స్‌ లేకపోయినా వాహనంలో ఆసుపత్రికి తీసుకెళ్ళేందుకు ప్రయత్నించింది. తన భర్త వర్క్‌ ముగించుకుని వచ్చేందుకు వీలు కాకపోవడంతోనే ఈ మహిళ ఇంతటి సాహసానికి దిగింది. ఆసుపత్రిలో తన కుమారుడికి వైద్య చికిత్స అనంతరం, తిరిగి వస్తుండగా ఆమె కారు ప్రమాదానికి గురయ్యింది. పోలీసులు విచారించగా, డ్రైవింగ్‌ లైసెన్స్‌ ఆమె వద్ద లేదని తేలింది. కారు రిజిస్ట్రేషన్‌ కూడా ఎక్స్‌పైర్‌ అయిపోయింది. ఆమెను పబ్లిక్‌ ప్రాసిక్యూషన్‌కి అప్పగించారు అధికారులు.