కువైట్‌: తమ కుమారుడు తప్పిపోయాడంటూ ఓ యువకుడి గురించి తల్లిదండ్రులు పోలీసులకు ఫిర్యాదు చేయగా, తప్పిపోయిన యువకుడ్ని పోలీసులు గుర్తించి అతని తల్లిదండ్రులకు అప్పగించారు. 22 ఏళ్ళ సౌదీ బదర్‌ మొహమ్మద్‌ అల్‌ రషిదిని ఓ గేమింగ్‌ హాల్‌ ఉద్యోగి గుర్తించడంతో అతను పోలీసులకు సమాచారమిచ్చారు. పోలీసులు గేమింగ్‌ హాల్‌కి చేరుకుని, సౌద్‌ని తమ వెంట తీసుకువచ్చి తల్లిదండ్రులకు అప్పగించడం జరిగింది. సౌద్‌ మిలిటరీ మ్యాన్‌గా పనిచేస్తున్నాడనీ, గత కొంతకాలంగా అతని మానసిక స్థితి సరిగా లేదనీ హైపర్‌ థింకింగ్‌ సమస్యతో బాధడుతున్నాడనీ అతని అంకుల్‌ పోలీసులకు చెప్పారు. సౌద్‌ని తక్షణం ఆసుపత్రికి తరలించనున్నట్లు ఆయన వివరించారు.