అబుదాబీ డిపార్ట్‌మెంట్‌ ఆఫ్‌ ట్రాన్స్‌పోర్ట్‌, షేక్‌ ఖలీఫా బిన్‌ జాయెద్‌ రోడ్‌పై తాత్కాలిక పాక్షిక మూసివేతను ప్రకటించింది. గ్వీఫాత్‌ వైపు ఇ11 రోడ్డును ఫిబ్రవరి 1 నుంచి ఫిబ్రవరి 3 వరకు మూసివేస్తారు. అల్‌ జహియాహ్‌ ప్రాంతంలో అల్‌ ఫిర్దౌస్‌ స్ట్రీట్‌ని ఫిబ్రవరి 1 నుంచి ఫిబ్రవరి 2 వరకు మూసివేయడం జరుగుతుంది. సోషల్‌ మీడియా వేదికగా డిపార్ట్‌మెంట్‌ ఆఫ్‌ ట్రాన్స్‌పోర్ట్‌ ఈ మూసివేతలకు సంబంధించిన మ్యాప్‌లను కూడా పోస్ట్‌ చేయడం జరిగింది. వాహనదారులు ఈ మూసివేతల్ని పరిగణనలోకి తీసుకుని ప్రత్యామ్నాయ మార్గాల్లో తమ వాహనాలు నడపాలని అధికారులు సూచించారు.