కువైట్‌ సిటీ: ఇండియన్‌ డ్రైవర్‌ ఒకర్ని పోలీసులు అదుపులోకి తీసుకున్నారు. యూరోపియన్‌ మహిళ ఒకరు సోషల్‌ మీడియాలో పోస్ట్‌ చేసిన వీడియోలో ఇండియన్‌ డ్రైవర్‌, ఓ చిన్నారిని కొడుతున్నట్లుగా కన్పిస్తోంది. ఈ వీడియో సోషల్‌ మీడియాలో వైరల్‌ కావడం, సల్వా పోలీస్‌ స్టేషన్‌ హెడ్‌ ఆఫీసర్‌కి ఈ వీడియో చేరడంతో, వెంటనే సిబ్బందిని సంఘటనా స్థలానికి పంపించి, నిందితుడ్ని అరెస్ట్‌ చేశారు. ఆ చిన్నారి తనను విసిగించడంతో కొట్టినట్లు నిందితుడు విచారణలో అంగీకరించాడు. ఈ కేసుకి సంబంధించి పూర్తి వివరాలు వెల్లడి కావాల్సి వుంది.