కువైట్‌: మినిస్ట్రీఆఫ్‌ ఇంటీరియర్‌, రెసిడెన్సీ చట్ట ఉల్లంఘనులకు జరీమానాల నుంచి ఉపశమనం కల్పిస్తున్నట్లు వచ్చిన రూమర్స్‌ని ఖండించింది. ఒకవేళ అలాంటి ఆలోచనలు ఏమైనా వుంటే, ముందుగానే అవేర్‌నెస్‌ క్యాంపెయిన్‌ చేపట్టడానికి మినిస్ట్రీ వెనుకడుగు వేయదనీ, రూమర్స్‌ని ఎవరూ నమ్మరాదని సూచించారు అధికారులు. రూమర్స్‌ ప్రచారం విషయంలో మీడియా అలాగే సోషల్‌ మీడియా అప్రమత్తంగా వుండాలని కూడా మినిస్ట్రీ పేర్కొంది. భద్రతకు సంబంధించి రాజీ పడే ప్రసక్తే లేదనీ, ఎలాంటి అనుమానాలకూ తావు లేదనీ, మినిస్ట్రీ తరఫున సమాచారం అందించేందుకు అధికారులు ఎప్పుడూ సిద్ధంగా వుంటారని మినిస్ట్రీ ఓ ప్రకటనలో స్పష్టం చేసింది.