దుబాయ్‌ షాపింగ్‌ ఫెస్టివల్‌కి వెళ్ళలేకపోయినవారు, ఈ వీకెండ్‌ ప్రత్యేకంగా ఎలాంటి ప్లాన్స్‌ లేనివారు వీకెండ్‌తో ముగియనున్న దుబాయ్‌ సేల్‌లో ఎంజాయ్‌ చేయొచ్చు. ఫిబ్రవరి 5న ప్రారంభమైన ఈ సేల్‌ ఫిబ్రవరి 9తో ముగుస్తుంది. షేక్‌ సయీద్‌ హాల్‌ 1, దుబాయ్‌ వరల్డ్‌ ట్రేడ్‌ సెంటర్‌లో ఐదు రోజులుగా ఉదయం 10 గంటల నుంచి రాత్రి 10 గంటల వరకు ఈ సేల్‌ జరుగుతోంది. ఈ సేల్‌కి ప్రవేశం ఉచితం. కాస్మొటిక్స్‌, ఫ్యాషన్‌, హ్యాండ్‌ బ్యాగ్స్‌, షూస్‌, వాచెస్‌, సన్‌గ్లాసెస్‌ ఇంకా చాలా ఉత్పత్తులు ఇక్కడ అతి తక్కువ ధరలకు లభ్యమవుతాయి. బాస్‌, గెస్‌, మ్యాక్స్‌ ఫ్యాక్టర్‌, డి అండ్‌ జి, సెరుటి, ఆర్ట్‌డెకో, ఐస్‌బర్గ్‌, బౌర్జోయిస్‌, ప్యారిస్‌ హిల్టన్‌, రీబాక్‌, నైక్‌ వంటి బ్రాండ్స్‌ అందుబాటులో వున్నాయి.