యూ.ఏ.ఈ:తన డిన్నర్‌ సంగతిని మర్చిపోయిన భర్త నుండి విడాకులు కోరుతూ న్యాయస్థానాన్ని ఆశ్రయించింది ఓ అరబ్‌ మహిళ. వివరాల్లోకి వెళితే, బాధిత మహిళ తనను తన భర్త పట్టించుకోవడంలేదని ఆరోపించింది. బర్గర్‌ తీసుకురావాల్సిందిగా భర్తకు చెప్పినా, భర్త అతని స్నేహితులతో కలిసి డిన్నర్‌ని ఎంజాయ్‌ చేశాడే తప్ప తన కోసం బర్గర్‌ తీసుకురాలేదని, తన పట్ల నిర్లక్ష్యంగా వ్యవహరిస్తున్న భర్త నుంచి విడాకులు కావాల్సిందేనని బాధిత భార్య పేర్కొంది. అయితే న్యాయవాది హుస్సేన్‌ అల్‌ మజ్రోకి మాట్లాడుతూ, చిన్న చిన్న విషయాలకు భార్యాభర్తలు విడాకులు కోరుతుండడం బాధాకరమనీ, చదువుకున్నవారై వుండి కూడా చిన్న విషయాలకే సంయమనం కోల్పోతే ఎలాగని ప్రశ్నిస్తున్నారు.