ఎన్విరాన్‌మెంటల్‌ ఏజెన్సీ - అబుదాబీ (ఇఎడి), అరేబియన్‌ కార్కాల్‌ (కార్కాల్‌ ష్మిత్జి)ని జబెల్‌ హఫీత్‌ నేషనల్‌ పార్క్‌ - అల్‌ అయిన్‌లో గుర్తించారు. మీడియం సైజులో ఇసుక రంగులో వుండే క్యాట్‌, నల్లటి చెవుల్ని కలిగి వుంటుంది. అబుదాబీలో చివరిసారిగా 1984లో ఇది కన్పించింది. అరబిక్‌లో అల్‌ వషాక్‌ అని దీన్ని పిలుస్తారు. ముఖ్యమైన, అంతరించే దశలో వున్న జీవుల్ని అన్వేషించేందుకోసం ఏర్పాటు చేసిన లాంగ్‌ టెర్మ్‌ మానిటరింగ్‌ ప్రోగ్రామ్‌లో భాగంగా 45 కెమెరాలు ఏర్పాటు చేసి, వాటిని రిమోట్‌ ద్వారా ఆపరేట్‌ చేస్తుండగా, వాటికి ఈ కారకాల్‌ చిక్కింది. రాత్రి వేళల్లోనూ, పగటి వేళల్లోనూ ఈ కారకాల్‌ సంచరిస్తుంది. పక్షుల్ని, రోడెంట్స్‌నీ, చిన్న చిన్న జీవుల్ని వేటాడి తినే కారకాల్‌, నీటిని తాగకుండా ఎక్కువ రోజులు వుండగలదు.