మస్కట్‌: అల్‌ బురైమిలో ఇద్దరు కారు డ్రైవర్లను పోలీసులు అరెస్ట్‌ చేశారు. పబ్లిక్‌ రోడ్డుపై రేసింగులకు పాల్పడుతున్నట్లు వీరిపై అభియోగాలు మోపబడ్డాయి. రాయల్‌ ఒమన్‌ పోలీస్‌ ఓ ప్రకటనలో ఈ విషయాన్ని ధృవీకరించింది. అల్‌ బురైమీ గవర్నరేట్‌ పోలీస్‌ కమాండ్‌, ఈ అరెస్టులు చేయడం జరిగిందనీ, విలాయత్‌ ఆఫ్‌ బురైమీలో నిందితులు రోడ్డుపై నిబంధనలకు విరుద్ధంగా, ప్రమాదకరమైన రీతిలో రేసింగులకు పాల్పడ్డారనీ అధికారులు పేర్కొన్నారు.