అబుదాబీ - డిపార్ట్‌మెంట్‌ ఆఫ్‌ ట్రాఫిక్‌, మేజర్‌ ట్రాఫిక్‌ డైవర్షన్‌ని ప్రకటించింది. మార్చి 1 నుంచి ఆగస్ట్‌ 29 వరకు ఈ డైవర్షన్‌ అమల్లో వుంటుంది. వివరాల్లోకి వెళితే షేక్‌ జాయెద్‌ బిన్‌ సుల్తాన్‌ రోడ్‌ ఇ10 ట్రాఫిక్‌ని యస్‌ రబిడ్జి తర్వాత అబుదాబీ వైపుగా మళ్ళిస్తారు. ఆరు నెలల డైవర్షన్‌ సందర్భంగా అత్యధిక వేగాన్ని గంటకు 100 కిలోమీటర్లుగా నిర్ణయించారు. వాహనదారులు తమ భద్రత రీత్యా, ట్రాఫిక్‌ రూల్స్‌ని పాటించి వాహనాలను నడపాల్సి వుంటుందని అధికారులు సూచించారు.