మస్కట్‌: 27 మంది ఇమ్మిగ్రెంట్స్‌ ఒమన్‌లోకి ప్రవేశించేందుకు ప్రయత్నించగా వారిని అరెస్ట్‌ చేశారు. బోటు ద్వారా నిందితులు ఒమన్‌లోకి వచ్చేందుకు యత్నిస్తుండగా, పోలీస్‌ పెట్రోల్స్‌ వారిని గుర్తించి అదుపులోకి తీసుకున్నారు. విలాయత్‌ ఆఫ్‌ కురాయత్‌లోని రాస్‌ అబు దవూద్‌ వద్ద వీరిని అరెస్ట్‌ చేశారు. అరెస్టయినవారిలో వివిధ దేశాలకు చెందినవారున్నారు. ఒమన్‌ రెసిడెన్సీ చట్టం ప్రకారం, ఒమన్‌ అధికారిక వర్గాల అనుమతి లేకుండా దేశంలోకి ప్రవేశించేందుకు ప్రయత్నించడం నేరం.