యూ.ఏ.ఈ:ఓ వ్యక్తి తన మాజీ భార్యపై పెట్రోల్‌ చల్లి ఆమెను చంపేస్తానంటూ బెదిరించాడు. ఈ ఘటనకు సంబంధించి కేసు నమోదు కాగా, కోర్టులో విచారణ జరుగుతోంది. బని యాస్‌ కోర్ట్‌ ఆఫ్‌ ఫస్ట్‌ ఇన్‌స్టాన్స్‌లో విచారణ జరుగుతున్నట్లు ఈ కేసు గురించి అధికారులు చెప్పారు. నిందితుడు ఘటన జరిగిన సమయంలో డ్రగ్స్‌ సేవించి వున్నాడని వారు వివరించారు. దాడికి యత్నించిన తన మాజీ భర్తపై బాధితురాలు పోలీసులకు ఫిర్యాదు చేయడం జరిగింది. కాగా, విచారణ సందర్భంగా నిందితుడు తన నేరాన్ని అంగీకరించలేదు. ఇదిలా వుంటే, న్యాయస్థానం ఈ కేసు తదుపరి విచారణను వాయిదా వేసింది.