హైదరాబాద్:చెక్‌బౌన్స్ కేసులో మోహన్‌బాబుకు ఏడాది జైలుశిక్ష పడింది. 2010 నాటి చెక్‌బౌన్స్ కేసులో ఎర్రమంజిల్‌ కోర్టు సంచలన తీర్పు ఇచ్చింది. తనకు రావాల్సిన డబ్బులపై నిర్మాత, దర్శకుడు వైవీఎస్ చౌదరి కోర్టుకు వెళ్లారు. అప్పటి నుంచి పలు వాయిదాల్లో వాదనలు జరిగాయి. కేసులో A1గా లక్ష్మీప్రసన్న పిక్చర్స్‌ను, A2గా మోహన్‌బాబును చేర్చారు. చివరికి ఈ కేసులో వైవీఎస్ చౌదరికి అనుకూలంగా తీర్పు వచ్చింది. మోహన్‌బాబు 41 లక్షల 75 వేలు చెల్లించాల్సిందేనని కోర్టు ఆదేశించింది. పైకోర్టుకు అప్పీల్‌కి వెళ్లేందుకు మోహన్‌బాబుకు నెల గడువు ఇచ్చింది.