గత ఏడాది అబుదాబీలో ఉపాధ్యాయుడిగా పనిచేస్తున్న అమెరికా కు చెందిన ఒక వ్యక్తిని హత్య చేసిన  మహిళకు ఉరి వేయబడిన సంగతి స్థానికులకు విధితమే. కాగా , ఉరి వేయబడిన మహిళ భర్త ప్రతీకారంతో  యునైటెడ్ అరబ్ ఎమరేట్స్ పై దాడులకు కుట్ర చేస్తూ పోలీసులకు దోరికిపోయినట్లు స్థానిక వార్తాపత్రిక ఓ సంచలన కధనం ప్రచురించింది. అదుపులో తీసుకొన్న నిందితుడు విదేశీ పర్యాటకులు ప్రయాణిస్తున్న బస్సులపై , అమెరికా సైనిక స్థావరాలపై బాంబు దాడులకు ప్రణాళిక సిద్దం చేసుకొన్నట్లు ఆ పత్రిక తెలిపింది. అంతే కాక , యునైటెడ్ అరబ్ ఎమరేట్స్ కు  చెందిన ఒక నాయకుడిని దారుణంగా హత్య చేసేందుకు కుట్ర సైతం చేసినట్లు వివరించింది. అనుమతి లేకుండా ప్రమాదకర పేలుడు 
 పదార్ధాలను కల్గి ఉన్నాడని, ఇస్లామిక్ స్టేట్ ఉగ్రవాద సంస్థలో చేరేందుకు అల్ ఖైదా తీవ్రవాద సంస్థకు భారీ ఎత్తున డబ్బులను ఇచ్చినట్లు ఆ వార్తా కధనంలో పేర్కొంది.