కొత్త అకడమిక్‌ ఇయర్‌కి సంబంధించి ఫీజుల పెంపు అంటూ వస్తున్న పుకార్లపై ఇండియన్‌ స్కూల్‌ ఆఫ్‌ బహ్రెయిన్‌ స్పందించింది. గత అడ్మినిస్ట్రేషన్‌ చేస్తున్న దుష్ప్రచారం పట్ల తల్లిదండ్రులు అప్రమత్తంగా వుండాలనీ, వాట్సాప్‌ తదితర సోషల్‌ మీడియా ప్లాట్‌ఫామ్స్‌ వేదికగా ఈ దుష్ప్రచారం జరుగుతోందనీ, విద్యార్థుల తల్లిదండ్రులు ఎలాంటి అధికారిక సమాచారాన్నయినా స్కూల్‌ యాజమాన్యాన్ని సంప్రదించి తెలుసుకోవచ్చని వివరణ ఇచ్చింది. ఇండియన్‌ స్కూల్‌లో 12,000 మంది విద్యార్థులు విద్యనభ్యసిస్తున్నారు. పర్షియన్‌ గల్ఫ్‌లో అతి పెద్ద కో-ఎడ్యుకేషన్‌ స్కూల్స్‌లో ఇండియన్‌ స్కూల్‌ ఆఫ్‌ బహ్రెయిన్‌ ఒకటి.