రెండవ బహ్రెయిన్‌ బేబీ ఒలింపిక్స్‌ ఘనంగా ముగిశాయి. రిఫ్ఫాలోని ఇసా స్పోర్ట్స్‌ సిటీ బహ్రెయిన్‌ వాలీబాల్‌ అసోసియేషన్‌ హాల్‌లో ఈ వేడుకలు జరిగాయి. చిన్నారుల ఆటపాటల్ని తిలకించేందుకు వారి పేరెంట్స్‌ పెద్ద సంఖ్యలో ఈ కార్యక్రమానికి హాజరయ్యారు. విజేతలకు బహ్రెయిన్‌ ఒలింపిక్‌ కమిటీ రిప్రెజెంటేటివ్స్‌ మెడల్స్‌ అందించారు. బాస్కెట్‌ బాల్‌, అథ్లెటిక్స్‌, ఫుట్‌ బాల్‌ మరియు జిమ్నాస్టిక్‌ వంటి విభాగాల్లో పోటీలు జరిగాయి. ఒలింపిక్స్‌ ముగింపు సందర్భంగా టార్చ్‌ ఫ్లేమ్‌ కూడా ఏర్పాటు చేశారు. పిల్లలు ఎంతో ఉత్సాహంగా పోటీల్లో పాల్గొన్నారని, వారికి కోచ్‌లు మంచి శిక్షణ ఇచ్చారనీ, 3 నుంచి 5 ఏళ్ళ మధ్య చిన్నారులు పోటీల్లో పాల్గొనడం చాలా గొప్ప విషయమని నిర్వాహకులు తెలిపారు.