కువైట్‌ సిటీ: కుబ్బార్‌ ఐలాండ్‌లో ఇండియన్‌ పై ఇరానియన్స్‌ కొందరు కాల్పలకు పాల్పడ్డారు. గాయపడ్డ ఇండియన్‌ వ్యక్తిని అదాన్‌ ఆసుపత్రికి తరలించారు. వైద్యులు అతని శరీరం నుంచి బుల్లెట్‌ని శస్త్ర చికిత్స ద్వారా తొలగించారు. పెల్విస్‌ ప్రాంతం నుంచి బుల్లెట్‌ తొలగించినట్లు వైద్యులు వెల్లడించారు. కుబ్బార్‌ ఐలాండ్‌లో ఫిషింగ్‌ కోసం మరో ఇద్దరితో కలిసి 52 ఏళ్ళ ఇండియన్‌ వ్యక్తి వెళ్ళగా, అక్కడ ఇరానియన్‌ పెట్రోల్‌మేన్‌ వారిని నిలువరించేందుకు ప్రయత్నించారు. ఈ క్రమంలో బాధితుడి బోట్‌ ఆగకుండా వెళ్ళిపోవడంతో, ఇరానియన్‌ పోలీసులు కాల్పులు జరపగా, ఈ ఘటనలో ఇండియన్‌ వ్యక్తి శరీరంలోకి బుల్లెట్‌ దూసుకుపోయింది. అనంతరం, ఇరానియన్‌ మేన్‌, ఆ బోట్‌ని ఆపి, అందులోని వారి నుంచి డబ్బు, వ్యక్తిగత డాక్యుమెంట్లు స్వీధీనం చేసుకున్నట్లు తెలుస్తోంది.