దుబాయ్‌:మాస్టర్‌ స్కల్ప్‌టర్‌ రిచార్డ్‌ హడ్సన్‌, దుబాయ్‌కి తాజాగా వచ్చారు.. ఈసారి మరింత పెద్ద విషయంతో ఆయన అందరి దృష్టినీ ఆకర్షించారు. రిచార్డ్‌ హడ్సన్‌ రూపొందించిన 'లవ్‌ మి' హార్ట్‌ స్కల్ప్‌చర్‌ గత ఫిబ్రవరిలో దుబాయ్‌ మాల్‌ సందర్శకుల్ని విశేషంగా అలరించిన సంగతి తెల్సిందే. ఈసారి మరింత పెద్ద స్కేల్‌లో 'లవ్‌ మి' హార్ట్‌ స్కల్ప్‌చర్‌ని ఆయన రూపొందించారు. ఐదు మీటర్ల ఎత్తులో, అంతే వెడల్పతో ఈ 'లవ్‌ మి' రూపొందింది. దీని డెప్త్‌ 3.8 మీటర్స్‌. 7,000 కిలోల బరువుతో దీన్ని రూపొందించారు మడ్సన్‌. బుర్జ్‌ ఖలీఫా ఇందులో ప్రతిబింబించేలా ప్లేస్‌ చేశారు. పవిత్ర రమదాన్‌ మాసంలో 'లవ్‌ మి'తోపాటు బుర్జ్‌ ఖలీఫా సొగసులు అందర్నీ అలరించనున్నాయి.