అబుధాబి:ఎనిమిదేళ్ళ చిన్నారి మృతి చెందగా, ముగ్గురు గాయాల పాలైన ఘటన అబుధాబిలో చోటు చేసుకుంది.సివిల్‌ డిఫెన్స్‌ డిపార్ట్‌మెంట్‌ ఆఫ్‌ అబుధాబి వెల్లడించిన వివరాల ప్రకారం ఇంట్లో ఈ అగ్ని ప్రమాదం జరిగినట్లు తెలుస్తోంది. అబుధాబి పోలీస్‌ డిపార్ట్‌మెంట్‌ ఆపరేషన్స్‌ రూమ్‌కి తొలుత సమాచారం అందింది. బనియాస్‌ ఈస్ట్‌ ప్రాంతంలో ప్రమాదం జరిగిందన్న సమాచారం అందగానే, సంఘటనా స్థలానికి సివిల్‌ డిఫెన్స్‌ రెస్క్యూ టీమ్స్‌ చేరుకుని, అగ్ని కీలల్ని అదుపు చేశారు. అగ్ని ప్రమాదానికి గల కారణాలు ఇంకా తెలియరాలేదు. అగ్ని ప్రమాదాల్ని నివారించేందుకు తగిన జాగ్రత్తలు తీసుకోవాలని ఈ సందర్భంగా పోలీసులు ప్రజలకు విజ్ఞప్తి చేశారు.