మస్కట్‌: హస్సాన్‌ బిన్‌ తాబిత్‌ బ్రిడ్జి వైపు వెళ్ళే ముట్రా రోడ్‌, దాదాపు 10 రోజులపాటు మూసివేయనున్నట్లు అధికారులు పేర్కొన్నారు. మెయిన్‌టెనెన్స్‌ పనుల నిమిత్తం ఈ మూసివేతను అమలు చేస్తున్నట్లు మునిసిపాల్‌ అథారిటీస్‌ వెల్లడించాయి. మస్కట్‌ మునిసిపాలిటీ, రాయల్‌ ఒమన్‌ పోలీస్‌ కలిసి సంయుక్తంగా 8 ఆగస్ట్‌ నుంచి 18 ఆగస్ట్‌ వరకు ఈ మూసివేతను అమలు చేయనున్నట్లు ఓ ప్రకటనలో పేర్కొన్నాయి. వాహనదారులు, ప్రత్యామ్నాయ మార్గాల్ని వినియోగించాలనీ, ట్రాఫిక్‌ నిబంధనలు పాటించాలనీ, డైవర్షన్స్‌ని గుర్తించాలని అధికారులు విజ్ఞప్తి చేశారు.