రైల్వే రిక్రూట్‌మెంట్ లెవెల్ 1 ఉద్యోగాలకు దరఖాస్తు చేసుకున్న అభ్యర్థులకు గుడ్ న్యూస్. సంతకం, ఫోటో తదితర కారణాల వల్ల రిజెక్ట్ అయిన దరఖాస్తుల్ని రైల్వే రిక్రూట్‌మెంట్ బోర్డ్ మళ్లీ పరిశీలించనుంది. తమ దరఖాస్తులను రైల్వే బోర్డు తిప్పిపంపించిందని అనేక మంది అభ్యర్థులు ఆర్ఆర్‌బీకి ఫిర్యాదు చేశారు. ఈ మేరకు ఫిర్యాదుల్ని పరిశీలించాలని ఆర్ఆర్‌బీ నిర్ణయించింది. అనంతరం వివరాలను ఎస్ఎంఎస్ లేదా ఇమెయిల్ ద్వారా 2019 ఆగస్ట్ 31 లోగా అభ్యర్థులకు సమాచారం ఇస్తామని, తాజా సమాచారం కోసం ఎప్పటికప్పుడు సంబంధిత రీజియన్ వెబ్‌సైట్ చూడాలని ఆర్ఆర్‌బీ నోటీస్ జారీ చేసింది. కంప్యూటర్ బేస్డ్ టెస్ట్ సెప్టెంబర్ లేదా అక్టోబర్ నెలలో నిర్వహించే అవకాశం ఉంది.