చైనా - అమెరికా వాణిజ్యపోరుపై ట్రంప్ వివాదాస్పద వ్యాఖ్యలు
- August 26, 2019వాషింగ్టన్: 'మాకింక చైనా అవసరం లేదు. నిజం చెప్పాలంటే వారి (చైనా) ప్రమేయం లేకుండానే మేం మెరుగైన ప్రగతి సాధించగలం చైనాకు ప్రత్యామ్నాయాన్ని అన్వేషించాలని మా దేశ కంపెనీలను ఆదేశించాం. ప్రత్యామ్నాయం లభించకపోతే వెనక్కి వచ్చి మన దేశం నుంచి ఉత్పత్తి ప్రారంభించాలని సూచిస్తున్నాం...!' చైనాతో వాణిజ్య పోరు నానాటికీ ఉధృతమవుతున్న నేపథ్యంలో అమెరికా అధ్యక్షుడు ట్రంప్ తన ట్విట్టర్ ఖాతాలో చేసిన తాజా వివాదాస్పద వ్యాఖ్యలివి. చైనాకు చెందిన హువై సంస్థతో కూడా తామెటువంటి వాణిజ్య కార్యకలా పాలూ కొనసాగించబోమని ఆయన మరో ట్వీట్లో స్పష్టం చేశారు. తమ దేశానికి చెందిన ఫెడెక్స్, అమెజాన్, యూపీఎస్, పోస్టాఫీస్ వంటి అన్ని సంస్థలనూ చైనా నుంచి వెనక్కి తిరిగి వచ్చేయాలని ఆదేశిస్తున్నా నని ట్రంప్ తన ట్వీట్లో వెల్లడించారు. గత రెండున్నరేండ్లుగా తమ ఆర్థిక వ్యవస్థ అద్భుత స్థాయిలో మెరుగుపడిందనీ, చైనా కన్నా మెరుగైన దశలో వుందని, ఇదే పరిస్థితిని తాము కొనసాగిస్తామని ఆయన తన ట్వీట్లో వివరించారు. చైనాతో ట్రంప్ కొనసాగిస్తున్న వాణిజ్య పోరు మరింత దిగజారే అవకాశాలున్న సూచనలు కన్పిస్తుండటంతో అమెరికా స్టాక్ మార్కెట్ ప్రధాన సూచీలు నాస్డాక్ (కంపోజిట్), డౌజోన్స్ ఇండిస్టియల్ (డీజేఐ) యావరేజ్, ఎస్అండ్పీ 500 సూచీలు శుక్రవారం కనిష్ట స్థాయిలో ట్రేడింగ్ను ముగించాయి.
తాజా వార్తలు
- డ్యూటీ ఫ్రీ టిక్కెట్..$1 మిలియన్ గెలుచుకున్న భారతీయ మహిళ
- పాలస్తీనా రాజ్య స్థాపనకు సౌదీ అరేబియా మద్దతు
- ఈద్ అల్ అదా సెలువులు. Dh980 నుండి యూరప్ డీల్స్..!
- ఓవర్ టైం వర్క్ పై ఆరోగ్య మంత్రిత్వ శాఖ కీలక ఉత్తర్వులు
- మస్కట్ ఎయిర్పోర్ట్...దక్షిణ రన్వే ప్రారంభం
- అక్రమ రవాణా కేసులో ఆఫ్రికన్ మహిళకు జైలుశిక్ష
- ల్యాండ్ టైటిలింగ్ యాక్ట్ పై నీతి ఆయోగ్ సంచలన ప్రకటన
- హైదరాబాద్లో అనేక ప్రాంతాల్లో భారీ వర్షం
- CBSE పాఠశాలలు ఓపెన్-బుక్ పరీక్షలను నిర్వహిస్తాయా?
- స్లోవాక్ ప్రధానిపై హత్యాయత్నం.. తీవ్రంగా ఖండించిన ఖతార్