యూ.ఏ.ఈ:తమ జాతీయ మీడియా ద్వారా విద్వేష ప్రచారాన్ని ఖతార్‌ మానుకోవాలని యూఏఈ సూచించింది. అలాగే తీవ్రవాదానికి మద్దతును ఖతార్‌ ఉపసంహరించుకోవాలని యూఏఈ డిమాండ్‌ చేసింది. యూఎన్‌ హ్యూమన్‌ రైట్స్‌ కమిషన్‌ ముందు యూఏఈ తన అభిప్రాయాన్ని కుండబద్దలుగొట్టింది. కౌన్సిల్‌లో యూఏఈ రిప్రెజెంటేటివ్‌ అయిన అమిరా అల్‌ అమిరి ఈ మేరకు ఓ ప్రకటన చేశారు. టెర్రర్‌ గ్రూపుల విషయంలో ఖతార్‌ ఇల్లీగల్‌గా వ్యవహరిస్తోందని యూఏఈ ఆరోపించింది. అమిరా మాట్లాడుతూ, ఖతార్‌, తీవ్రవాద సంస్థలకు అందిస్తోన్న ఆర్థిక సహాయాన్ని ఇకపై ఆపేస్తుందని ఆశిస్తున్నట్లు చెప్పారు. కాగా యూఎన్‌ రైట్స్‌ కౌన్సిల్‌, ఖతార్‌ తన యాక్టివిటీస్‌పై రివ్యూ చేసుకోవాల్సిందిగా పిలుపునిచ్చింది.