దుబాయ్‌కి చెందిన డైమండ్‌ ట్రేడింగ్‌ కంపెనీ నెమిసిస్‌ ఇంటర్నేషనల్‌, గురువారం ప్రపంచంలోనే అతి పెద్దదైన డి కలర్డ్‌ డైమండ్‌ని విడుదల చేసింది. ఎమరాల్‌ కట్‌ డైమండ్‌ వెలకట్టలేనిదని నిర్వాహకులు చెబుతున్నారు. డిఎంసిసి నాలుగవ ఎడిషన్‌ దుబాయ్‌ డైమండ్‌ కాన్ఫరెన్స్‌ సందర్భంగా ఈ డైమండ్‌ని విడుదల చేశారు. 'ది కంటెస్టెల్లేషన్‌' అనే రఫ్‌ డైమండ్‌ నుంచి దీన్ని రూపొందించారు. 63 మిలియన్‌ డాలర్లు దీని ధర. 18 నెలలపాటు దీన్ని పాలిషింగ్‌ మరియు ప్రాసెసింగ్‌ వర్క్‌ చేశారు. అల్మాస్‌ డైమండ్‌ సర్వీసెస్‌ కీలకమైన సర్వీసెస్‌ పూర్తి చేసింది. 2018లో 92 బిలియన్‌ దిర్హామ్‌ల బిజినెస్‌ ఎమిరేట్‌లో జరిగింది. ప్రపంచంలో వజ్రాల వ్యాపారానికి దుబాయ్‌ కేంద్ర బిందువుగా విలసిల్లుతోంది.