ఆసియన్‌ మోటరిస్ట్‌ ఒకరు మల్టీలెవల్‌ పార్కింగ్‌ నుంచి తన కారు ప్రమాదవశాత్తూ కింద పడటంతో మృతి చెందిన ఘటన ఎయిర్‌పోర్ట్‌ వద్ద జరిగింది. దుబాయ్‌ ఎయిర్‌ పోర్ట్‌ కార్గో విలేజ్లఓ ఈ ఘటన జరిగినట్లు తెలుస్తోంది. తన కారుని అదుపు చేసేందుకు ప్రయత్నించినా డ్రైవర్‌ విఫలమయ్యాడని అధికారులు తెలిపారు. దుబాయ్‌ పోలీస్‌ ట్రాఫిక్‌ డిపార్ట్‌మెంట్‌ డైరెక్టర్‌ జనరల్‌ బ్రిగేడియర్‌ సైఫ్‌ ముహైర్‌ అల్‌ మజ్రోయి మాట్లాడుతూ, ఈ ఘటనకు సంబంధించిన సమాచారం అందగానే ఎమర్జన్సీ వెహికిల్స్‌ని సంఘటనా స్థలానికి పంపించినట్లు చెప్పారు. పార్కింగ్‌ లాట్‌లో రివర్స్‌ పార్కింగ్‌ చేయబడిన వాహనాన్ని డ్రైవర్‌ అదుపు చేయలేకపోవడంతో ఈ ప్రమాదం జరిగినట్లు వివరించారు పోలీస్‌ అధికారులు.