షార్జా పోలీసులు, 40 ఏళ్ళ వ్యక్తి ఆత్మహత్యకు యత్నించగా అతన్ని రక్షించారు. ఆత్మహత్యకు యత్నించిన వ్యక్తిని భారత వలసదారుడిగా గుర్తించారు. ఘటన గురించిన సమాచారం అందగానే, ఫోరెన్సిక్‌, క్రైమ్‌ సీన్‌, సీఐడీ, పెట్రోల్‌ డిపార్ట్‌మెంట్స్‌ ఘటనా స్థలికి చేరుకున్నాయనీ, ఆ వ్యక్తి ఇంకా సజీవంగా వుండడంతో అతడికి వెంటనే ప్రాథమిక చికిత్స అందించి, అల్‌ కాసిమి హాస్పిటల్‌కి తరలించడం జరిగిందనీ, లైఫ్‌ సపోర్ట్‌ అతనికి వైద్యులు అందించారనీ, దురదృష్టవశాత్తూ కొద్ది గంటల్లోనే ఆయన మృతి చెందాడని పోలీస్‌ అధికారులు పేర్కొన్నారు. మృతదేహాన్ని ఫోరెన్సిక్‌ లేబరేటరికీ తరలించారు. ఇండస్ట్రియల్‌ ఏరియా పోలీస్‌ స్టేషన్‌ ఈ కేసుని విచారిస్తోంది.