పొద్దున్నే శుభ్రంగా స్నానం చేసినప్పటికీ, మధ్యాహ్నానికి శరీరం నుంచి చెమట వాసన ఇబ్బందిపెడుతుంది. శరీరం నుంచి వచ్చే దుర్వాసనను పొగొట్టడానికి ఈ చిట్కాలను పాటిస్తే చాలా మంచి ప్రభావం కనిపిస్తుంది.

* ఒక టేబుల్ స్పూన్ తేనెను బకెట్ నీళ్లలో కలిపి, ఆ నీటితో స్నానం చేయండి. చెమట కానీ, చెమట వాసన కానీ మీ దరిచేరదు.

* వేసవిలో ఎక్కువ భాగం కాటన్ దుస్తులను ధరించడం వల్ల శరీరానికి బాగా గాలి అందుతుంది. ఫలితంగా దుర్వాసన రాదు.

* టీ, కాఫీలు చెమట ఉత్పత్తికి కారకాలు. కాబట్టి చెమట వాసన నుంచి తప్పించుకోవడానికి టీ, కాఫీలకు దూరంగా ఉండండి.

* రోజువారీ తీసుకునే ఆహారంలో 20 శాతం మాంసకృతులు, 20 శాతం నూనెలు, కొవ్వు పదార్థాలు, పండ్లు ఉంటే చెమటను దూరం చేయవచ్చు.

* స్నానపు నీటిలో ఉడికించిన పుదినా ఆకులను వేసి స్నానం చేస్తే చర్మం ఎక్కువసేపు తాజాగా ఉంటుంది.

* సోంపు గింజలు నోటినే కాకుండా శరీర వాసనను ప్రభావితం చేస్తాయి. రోజూ ఒక స్పూన్ సోంపు గింజలను తినడం మంచిదే.