కువైట్ లో స్కూల్ ప్రిన్సిపాల్ నియామకం తీరు వివాదస్పదం  అవుతోంది. స్కూల్ ప్రిన్సిపల్ పోస్టుల కోసం విద్యా మంత్రిత్వశాఖ అప్లికేషన్లను స్వీకరిస్తోంది. అయితే.. ప్రిన్సిపల్ పోస్టుకు అప్లై చేసిన వారిలో చాలా మంది గతంలో జరిగిన అసిస్టెంట్ స్కూల్ ప్రిన్సిపల్ ఎగ్జామ్ లో ఫెయిల్ అవటమే తాజా వివాదానికి కారణమైంది. 

అసిస్టెంట్ స్కూల్ ప్రిన్సిపల్ పోస్ట్ కు అర్హత సాధించలేకపోయిన వారి నుంచి కూడా దరఖాస్తులు స్వీకరించటం ద్వారా పరీక్షల్లో అక్రమాలు చోటు చేసుకునే అవకాశాలు ఉన్నాయని, మాల్ ప్రాక్టీస్ కు పాల్పడొచ్చని అభ్యంతరాలు వ్యక్తం అవుతున్నాయి. అయితే  ప్రతిసారి  ఇలాంటి ఆరోపణలు సర్వ సాధారమని, ఈ సారి కూడా అదే తరహాలో వచ్చినట్లు విద్యా శాఖ వర్గాలు తెలిపినట్లు అల్-రై పత్రిక తన కథనంలో వివరించింది. పైగా ఆయా పోస్టులకు నిర్వహించే పరీక్షల్లో ఒకే తరహాలో స ఉంటాయని అధికారులు వివరించారు. అన్ని విద్యాసంస్థల్లో ఆన్ లైన్ లో కూడా ఎగ్జామ్స్ నిర్వహిస్తున్నట్లు తెలిపారు. స్కూల్ ప్రిన్సిపల్ పోస్టుల భర్తీ ప్రక్రియలో ఎలాంటి అక్రమాలకు ఆస్కారం లేదని స్పష్టం చేశారు.