బహ్రెయిన్‌: కారు ప్రమాదానికి కారకుడైన ఓ డ్రైవర్‌, సంఘటనా స్థలం నుంచి పారిపోగా కేవలం మూడు గంటల్లోనే అతన్ని అరెస్ట్‌ చేయడం జరిగింది. క్యాపిటల్‌ గవర్నరేట్‌ పరిధిలో ఈ ప్రమాదం చోటు చేసుకుంది. ఈ ప్రమాదంలో వలసదారుడొకరు ప్రాణాలు కోల్పోయినట్లు అధికారులు తెలిపారు. ఘటన జరిగిన వెంటనే పోలీసులు విచారణను వేగవంతం చేశారు. జుఫైర్‌ ప్రాంతంలో ప్రమాదం జరగ్గా, 32 ఏళ్ళ ఆసియా వలసదారుడు ప్రాణాలు కోల్పోయినట్లు అధికారులు వివరించారు. నిందితుడిపై చట్ట పరమైన చర్యలు తీసుకుంటామని అధికారులు వెల్లడించారు.