బహ్రెయిన్‌లోని పలు ప్రముఖ రోడ్లపై లేన్‌ క్లోజర్స్‌ని ప్రకటించారు. జనాబియా హైవే (జనాబియా ఫ్లై ఓవర్‌)పై సౌత్‌ బౌండ్‌ ట్రాఫిక్‌కి సంబంధించి లెఫ్ట్‌ లేన్‌ని ఎలక్ట్రికల్‌ కేబుల్స్‌ ఇన్‌స్టలేషన్‌ నేపథ్యంలో మూసివేస్తున్నట్లు మినిస్ట్రీ ఆఫ్‌ వర్క్స్‌ వెల్లడించింది. ఆదివారం ఉదయం వరకు ఈ మూసివేత అమల్లో వుంటుంది. ఒక లేన్‌ని ట్రాఫిక్‌ మూవ్‌మెంట్‌ కోసం తెరచి వుంచుతారు. కాగా, ఖలీఫా బిన్‌ సల్మాన్‌ హైవేపై హమాద్‌ టౌన్‌ వైపుగా వెళ్ళే ఒకటి మరియు రెండు లేన్లను మూసివేస్తారు. నెల రోజులపాటు రెండు స్టేజిల్లో ఈ మూసివేత అమల్లో వుంటుంది. రాత్రి 11 గంటల నుంచి ఉదయం 5 గంటల వరకు వారాంతాల్లో మినహాయించి మిగతా రోజుల్లో మూసివేత అమల్లో వుంటుంది. శుక్రవారాల్లో రాత్రి 12 గంటల నుంచి మధ్యాహ్నం 12 గంటల వరకు ఈ మూసివేతని అమలు చేస్తారు. మరోపక్క షేక్‌ సల్మాన్‌ హైవేపై ఇసా టౌన్‌ వద్ద నార్త్‌ బౌండ్‌ ట్రాఫిక్‌కి సంబంధించి స్లో లేన్‌ని మూసివేస్తారు. నేటి రాత్రి 11 గంటల నుంచి రేపు ఉదయం 5 గంటల వరకు ఈ మూసివేతను అమల్లో వుంచుతారు.